www.ikon.mn

Бенекрафт ХХК нь 2013 оны 11 дүгээр сараас эхлэн www.ikon.mn сайтыг ажиллуулж (http://www.ikon.mn/n/wx) эхэлсэн юм. 2015 оны байдлаар тус сайтын өдрийн хүртээмж 7% бөгөөд хамгийн олон уншигчтай түгээмэл таван сайтад багтддаг. (Интернэт хэрэглэгчдийн судалгаа, ХХ, 2015 он). Харин alexa.com –ийн үзүүлэлтээр google болон фейсбүүк болон gogo.mn сайтын дараа 9 дүгээрт жагсаж байна. (http://www.alexa.com/siteinfo/ikon.mn).

Тус сайтын мэдээлж буйгаар хоногтоо 150 – 300 мянга хүртэл давтагдашгүй тооны хэрэглэгч зочилж байна. iKon.mn сайтын сэтгүүл зүйн редакц нь аливаа улстөрийн нам, хүчин, бизнесийн болон төр засгийн байгууллагаас хараат бус олон нийтийн дуу хоолойг илэрхийлсэн, мэдээллийн үнэн зөв, тэнцвэрт байдлыг ханган ажиллахыг эрмэлздэг. Редакцийн бодлогоо анх удаа уншигчдад нээлттэй танилцуулсан мэдээллийн хэрэгсэл юм. (http://www.ikon.mn/sp/policy)

iKon.mn сайтыг Б.Алтангэрэл, Ч.Сүхбаатар, С.Дэлгэрдалай, Ч.Болортуяа нар үүсгэн байгуулж, өдгөө ч эдгээр хүмүүс нь менежментийн гол бодлогоо боловсруулж байна. Бүтцийн хувьд мэргэжлийн сэтгүүлчдээс бүрдсэн сэтгүүл зүйн редакц, технологийн шинэчлэлийг хариуцсан мэргэжлийн програмист, дата мэдээлэл, инфографик хариуцсан мэргэжлийн эдийн засагч, дизайнерууд ажилладаг болно. Контентийн агуулгын хувьд дотоод, гадаадын нийгэм, улстөр, эдийн засаг, боловсрол, танин мэдэхүй, хувь хүний хөгжил, технологи, шинжлэх ухааны цаг үеийн болоод тойм, дүгнэлт, мэдээ, сурвалжлага, ярилцлага мэдээллийг тогтмол бэлтгэж байгаа ба спорт, соёл урлагийн салбарыг түлхүү дэмжин ажилладаг. Цаг үеийн сонирхолтой мэдээллийг инфографикаар үзүүлж, уншигчдад тогтмол хүргэдэгээрээ бусад сайтуудаас ялгардаг.

Сурталчилгааны орлого болон хувьцаа эзэмшигчдийн хэдэн хувь эзэмшдэг тухай тодорхой мэдээлэл өгөөгүй.