Б.Цээпил
Тус сайтын хөрөнгө оруулагч, хувьцаа эзэмшигчдийн тухай мэдээлэл нээлттэй бус боловч эх сурвалжуудын мэдээлсэнээр Б.Цээпил тодорхой хувийг эзэмшдэг. Тэрээр сэтгүүлч мэргэжилтэй, Засгийн газрын Хэвлэл мэдээлэл, олон нийттэй харилцах албаны Ахлах референтээр ажиллаж байгаад 2014 оны 12 дугаар сард Засгийн газрын Хэвлэл мэдээлэл, олон нийттэй харилцах албаны даргаар томилогдсон (http://www.mnb.mn/i/41115).
Тэрээр АН засгийн эрх барих үед Ерөнхий сайд Н.Алтанхуяг болон Ч.Сайханбилэгийн засгийн газрын хэвлэлийн гол төлөөлөгчөөр ажилласан. 2016 оны 7 дугаар сард үүрэгт ажлаасаа чөлөөлөгдсөн. (http://www.24tsag.mn/content/137791.shtml) Одоогоор Хөгжил – Ардчилал ТББ-ын тэргүүнээр ажиллаж байгаа. Тус ТББ нь Монгол улсад хүний эрх, эрх чөлөөг дээдэлсэн, Монгол хөрсөнд тохирсон ардчиллыг нийгэм, эдийн засаг, улс төрийн салбарт төлөвшүүлэхэд дэмжлэг үзүүлэх зорилготой.
Бизнесийн үйл ажиллагаа
Монголын Цахилгаан Мэдээ ХХК нь 2011 онд www.24tsag.mn сайтыг үүсгэн байгуулсан. Тус компанийн талаар болон өөр салбарт бизнес эрхэлдэг эсэх тухай мэдээлэл байхгүй.
Гэр бүл & Найз нөхөд
Гэр бүлийн гишүүд, найз нөхдийн ашиг сонирхол
Б.Цээпил Ардчилсан намын гишүүдтэй холбоотой ажилладаг. Тэрээр АН-аас томилогдсон Ерөнхий сайдууд болох Н.Алтанхуяг, Ч.Сайханбилэг нарын эрхийн хугацаанд Засгийн газрын Хэвлэл мэдээлэл, олон нийттэй харилцах албаны даргаар ажиллаж байсан. 2016 оны УИХ-ын сонгуульд МАН олонхи болсоноор тус оны 7 дугаар сард үүрэгт ажлаасаа чөлөөлөгдсөн.
Нэмэлт мэдээлэл
Өгөгдлийн сан
Асуулгад хариу ирүүлээгүй, олон дахин утасдсан боловч хариулт өгөөгүй тул нээлттэй эх сурвалж болон зарим мэргэжилтнүүдээс тодруулга авав.
Эх сурвалж
Mongolian Media Today, Press Institute of Mongolia, 2016, Document ID-1;
Press Institute, Audience Survey, 2015, Document ID-3;
MOM questionnaire;
http://www.alexa.com/siteinfo/24tsag.mn ;
http://zasag.mn/news/view/8062 ;
